Dom Boa Ventura

le'e kontinua

HISTORIA BADAK HUSI CEFOBOM MANUFAHI

Luta hasoru Kolonialista no Imperialista, ne'ebe han tempu naruk, fo konsekuensia bóot no todan, hakat tuir dalan  kosar suli, ran fakar, lakon  família, rate mós buka la hetan, ikus mai konsege liberta rai doben Timór - Leste no hasés povu  husi Kolonialista no Imperialista nia ukun ne’ebe nakonu hó tauk, la hakmatek, deskonfia malu, bobar malu, lakon liberdade. Luta ne’e la fasil maibé esperansa, fiar-an, matenek, badinas, hamutuk no aten barani mak bele habadak funu ne’e ninia tempu. maske koko fila-fila maibé ita mós dala barak hasoru konsekuensia “lakon” fila-fila. Ezemplu real mak Funu Maun-Fahe 1912, Funu Viqueque 1959 no Funu 1975. Hatudu katak Foinsa’e Timor – Leste iha kualker revolusaun bá mudansa no polítika sempre infeita istória rezistensia Nasaun nian hó tinta osan mean, rezistensia no istória Nasaun nian ne’e sempre la’o hela deit. Kolonialista no .2Imperialista sira bele viola ka oho ita, maibé sira nunka atu bele oho “Ita Nia Komitmentu No Esperansa”. Husi jerasaun bá jerasaun, hó idade foinsa’e, sempre iha espíritu ne’ebe bóot no aten barani hodi luta, halo revolusaun, kontra injustisa no kontra hahalok violensia sira seluk tan. Aten barani ne’ebe aas demais halo foinsa’esira hamosu sira nia ukun fuan rasik hanesan “Mate ka Moris, Ukun Rasik - An”. 

      Hetan tiha Ukun-An la fó kedas fulan no fitun mai ita. Sofrementu funu nian no Foinsa’e kontinua hakat bá nafatin, Foinsa’e barak ne’ebe iha espíritu patriotizmu no nasionalizmu abandonado iha era ohin loron nian, Foinsa’e dezempregadu aumenta bá bebeik, Foinsa’e ne’ebe falta kompeténsia aumenta bá bebeik no esperansa bá moris diak Foinsa’e do’ok bá bebeik. Haree ba Foinsa’e nia problema ne’ebe sei rohan laek,,Centro Foinsa’e “Dom Boa Ventura” Maun-Fahe /  CEFOBOM ne’ebe hari’i iha Loron 26 Fulan Febreiru Tinan 2010 ho sentidu bóot promove Foinsa’e sira liu husi dalan hametin Foinsa’e sira bá fini foun kontinuasaun luta nian no mós fini foun bá dezenvolvimentu nian, hó dalan hasa’e Foinsa’e sira nia matenek no kapasidade Téknika, Lideransa, no Ser Arkitektura Sosial iha sosiedade ninia le’et. 

      Iha esforsu  hasa’e kapasidade Foinsa’e sira nian presiza atensaun mós hijieni, hó saúde mental no saúde fízika, kreatividade, idealismu, nasionalizmu, patriotizmu hó optimizmu ida bóot no kle’an nune’e bele kontribui ho responsabilidade tomak iha dezenvolvimentu nível. nasional to nivel Urbana ho planu  no programa ba moris ne’ebe iha justisa sosial,moris diak,no moris prósperu ho dignidade iha nasaun rasik.Futuru nasaun no futuru sosiedade Timorense iha Foinsa’e sira ninia liman,ho ida ne’e katak Futuru Foinsa’e nian la’os tenki hahú ho “Mehi” maibe,tenki hahú agora ho“Plano no Programa”. Hodi hatan ba realidade konkreta sira ne’ebe hateten iha leten,ho orientasaun Centro Foinsa’e “Dom Boa Ventura” Maun-Fahe CEFOBOM nian mak bele determina ita ninia Foinsa’e Timor espesialmente Distritu  Maun-Fahe hodi moris iha dalan “Foinsa’e Orientadu,Foinsa’e Organizadu,no Foinsa’e Determinadu” Maka importante tebes ba Centro Foinsa’e “Dom Boa Ventura” Maun-Fahe CEFOBOM hamosu Estatutu  ne’ebe hodi garante funsionamentu servisu ne’ebe iha Komitmentu Konfiansa no Fidelidade ne’ebe hadalan-an hanesan tuirmai ne’e:

le'e kontinua

konaba municipio manufahi Dom Boaventura

HISTORIA KONABA DOM BOAVENTURA

Dom Boaventura ho nia naran lolos nudar Liurai Manufahi iha tempu portugues nia ukun iha Timor. durante nia kargu nudar Liurai iha

nia iha estrategia atu duni sai malae mutin sira husi Timór. Hanesan hatutan nia aman Dom Duarte ninia dalan, Dom Boaventura luta kontra kolonialismu portugés hodi hamosu “Funu Manufahi”.

Bainhira Dom Boaventura lidera funu Manufahi iha kauza balun maka hamosu kontinuidade funu ne'e ho ninia komplesidade rasik. Ida maka desizaun governadór foun Filomeno de Câmara de Melo hasae folin impostu per capita. Tan afeta kedas povu nia moris sai todan liu, liuliu ezijénsia governu Portugál atu aumenta númeru ema ba serbisu públiku nian no ba plantasaun kafé nian.

Husi parte ida, mudansa polítika iha Portugál hafoin implementasaun Repúblika tinan 1910, hodi truka sistema monérkika hamosu konfuzaun iha liurai timoroan nia leet, liuliu tanba hakotu lasu simbóliku ne'ebé kesi liurai timoroan ho monarkia Portugál. Liurai timoroan rasik konsidera bandeira monarkia azúl-mutin nu'udar 'lulik' ida, basá susar hodi esplika objetivu repúblika ba sira. Entretantu iha sidade Dili, grupu timoroan assimilados mós fó apoiu ba revolta. Porezemplu hosi goeza-timorense, Domingos de Sena Barreto ne'ebé serbisu iha alfándega. Istoriadór Franses, René Pélissier hatete, liuliu tanba lema repúblika parese subversivu ba interese kaer podér. Mas laiha dokumentasaun forte atu esplika sira-nia motivasaun loloos.

Nune'e mos Dom Boaventura mezmu hetan edukasaun europeu husi eskola misaun Katólika, Lahane, tinan 1895, maka bolu hikas husi povu Manufahi atu hatutan ninia aman Dom Duarte nia luta, maibé dala ida tan laiha dokumentasaun forte ne’ebé fó roman kona-ba Dom Boaventura ninia ideia, kona-ba liberdade ka ukun rasik an, inklui mós nia apoiante assimilado sira.

Agora daudaun iha ona monumentu ida nudár homenagem husi Nasaun no sidadaun sira ba herói Dom Boaventura mak “Estatua Dom Boaventura” ne’ebé harii iha tinan 2012 iha Luak posto administrativu same, municipiu Manufahi.

le'e kontinua